CROP2SHOP არის ექსპორტის განვითარების ასოციაციის „წარმოებიდან-დახლამდე“ პროდუქტის ციკლის კონცეფცია, რომელიც მიზნად ისახავს ექსპორტზე ორიენტირებულ მეწარმეებს მიაწოდოს სრულყოფილი ინფორმაცია კონკრეტულ ბაზრებზე კონკრეტული პროდუქციის შესატანად.
საინფორმაციო პორტალი შეიქმნა ექსპორტის განვითარების ასოციაციის (EDA) მიერ 2019 წელს USAID-ის სოფლის მეურნეობის პროგრამის დაფინანსებით.
პროექტის ფარგლებში ექსპორტის განვითარების ასოციაციის ექსპერტებმა ჩაატარეს კვლევა საქართველოს ყველა რეგიონში, მოახდინეს ექსპორტზე ორიენტირებული ფერმერების პრობლემების შესწავლა და სწორედ, ამ კვლევის ფარგლებში გამოვლენილი გამოწვევებისა და საჭიროებების გათვალისწინებით შეიქმნა ვებ- გვერდი crop2shop.ge.


ვებ-გვერდის მიზანია კომპანიებმა მიიღონ სრულყოფილი ინფორმაცია ექსპორტის პროცედურების, ტექნიკური მახასიათებლების, საექსპორტო ბაზრებისა და სხვა საინტერესო საკითხების შესახებ. ვებ-გვერდი წარმოადგენს პრაქტიკულ გზამკვლევს ექსპორტზე ორიენტირებული კომპანიებისათვის და ამარტივებს მათთვის საჭირო ინფორმაციის მიღებას.


თითოეული პროდუქტი-ბაზარზე ექსპორტის გზამკვლევი მოიცავს დეტალურ ინფორმაციას ექსპორტის ყველა ეტაპის შესახებ რომელიც ფერმერებმა უნდა გაითვალისწინონ წარმოებიდან დაწყებული, საბოლოო დანიშნულების ადგილზე პროდუქტის მოხვედრამდე.

ექსპორტის განვითარების ასოციაცია (EDA) დაარსდა 2012 წელს ქართული საწარმოების ექსპორტის ზრდისა და დივერსიფიცირების მიზნით, ადვოკატირების, კონსულტაციებისა და პოპულარიზაციის გზით. EDA არის წევრობაზე დაფუძნებული ასოციაცია, რომელიც აერთიანებს 100-მდე ექსპორტზე ორიენტირებულ ქართველ მეწარმესა და მომსახურების მიმწოდებელს. ასოციაცია ქართველ ექსპორტიორებს სთავაზობს საექსპორტო პოტენციალის გაძლიერებას. ჩვენი მთავარი კომპეტენციებია ბაზრის კვლევები, ბაზარზე შესვლის ტრატეგიების შემუშავება და ექსპორტის მართვის საგანმანათლებლო საქმიანობა.